DC SHAKA AWATAKA VIONGOZI NGAZI YA KATA NA VIJIJI KUSIMAMIA NA KUFUATILIA MIRADI YA MAENDELEO IPASAVYO

Posted on: June 19th, 2025

Mkuu Wa Wilaya ya Kilosa Mhe. Shaka Hamdu Shaka amewataka vingozi kuanzia ngazi ya Wilaya, Kata na Vijiji kusimamia miradi ipasavyo ili kurekebisha na kutatua kwa haraka changamoto zinazojitokeza lengo likiwa ni kukamilisha miradi kwa wakati na kwa viwango vinavyostahili.

Mhe. Shaka ameeleza hayo Juni 19, 2025 katika  ziara yake ya Kukagua miradi mbalimbali ya Maendeleo  ambapo amesema viongozi wawajibike ipasavyo katika kutekeleza majukumu yao hususani katika usimamizi mzuri na ufatiliaji wa karibu wa miradi hiyo ili ikamilike kwa wakati na ianze kutoa huduma bora kwa wananchi.

“ Viongozi simamieni miradi kwa karibu, rekebisheni  mapungufu au changamoto zinajitokeza na kuhakikisha zinatatuliwa  kwa wakati” Alisisitiza Mhe. Shaka

Pia Mhe. Shaka  amesihi wasimamizi wa miradi ngazi ya Kata na kijiji kuhamasisha wananchi kujitolea nguvu kazi katika  utekelezaji wa miradi hiyo kwa ajili ya maendeleo ya vijiji na Kata.

Ziara hiyo ya siku mbili imehitimishwa leo kwa kukagua miradi mbalimbali ya maendeleo ikiwemo Ujenzi wa shule Mpya ya Sekondari Amali, Ujenzi wa kituo cha Zahanati Kwambe, Ujenzi wa shule mpya ya msingi Matongolo na  Ujenzi wa mabweni 2 , madarasa 4 na matundu 10 ya vyoo  katika shule ya sekondari Dumila.