KAMATI YA FEDHA, UONGOZI NA MIPANGO YARIDHISHWA NA UTEKELEZAJI WA MRADI WA SHULE YA SEKONDARI MASANZE

Posted on: May 20th, 2025

Kamati ya Fedha, Uongozi na Mipango ikiongonzwa na Makamu Mwenyekiti wake Mhe. Hassan Mkopi leo Mei 20, 2025 imefanya ziara ya kutembelea mradi wa Shule ya Sekondari Masanze iliyopo Kata ya Masanze ambapo  ameipongeza Timu ya Menejimenti ya Halmashauri ya Wilaya ya Kilosa (CMT) kwa usimamizi mzuri wa mradi huo.

Akizungumza wakati wa Ziara hiyo Mhe. Mkopi amesema ameridhishwa na utekelezaji wa mradi huo na kwa kazi nzuri inayoendelea kufanyika hivyo ameutaka uongozi wa shule kutoa ushirikiano hasa wakati changamoto zinapojitokeza ili ziweze kutatuliwa na miradi hiyo  kukamilika kwa wakati.

Akisoma taarifa ya Mradi Mkuu wa shule hiyo Mwl. Laurent  A.Bundala  amesema mradi huo utagharimu kiasi cha shilingi 346,000,000  mpaka kukamilika kwake fedha kutoka serikali kuu kwa ajili ya madarasa 4, mabweni 2, matundu 10 ya vyoo  ambapo Mwl. Bundala ameongeza kuwa Madarasa 4 yapo hatua ya ufungaji wa gypsum, Mabweni 2 yapo hatua ya kupiga plaster na Matundu 10 ya vyoo yakiwa hatua ya kumwagaji jamvi.