KILOSA YAJIPANGA KUTATUA MIGOGORO YA WAKULIMA NA WAFUGAJI

Posted on: May 28th, 2025

Watendaji wa Kata wametakiwa kuacha kusaini vibali vya kuwahuruhusu au kuwakaribisha wafugaji kuingi katika vijiji vingine pasipo kufuata utaratibu na kusababisha migogoro ya wakulima na wafugaji ambapo kwa sasa hakuna maeneo kwa ajili ya malisho ya mifugo.

Hayo yameelezwa na Kaimu Mkurugenzi Mtendaji wa Halmashauri ya Wilaya ya Kilosa Ndg. Elia Shemtoi wakati wa kikao cha Watendaji wa Kata na Menejimenti (CMT)  kilichofanyika Mei  28,2025 katika ukumbi  wa mikutano wa Halmashauri hiyo ambapo amewahimiza  watendaji hao kuongeza juhudi ya kupunguza migogoro hiyo  ambayo ni changamoto kubwa katika Wilaya ya Kilosa.

Pia Elia amewataka watendaji hao kuongeza juhudi ya ukusanyaji wa Mapato kwa  kusimamia  ipasavyo vyanzo vya mapato ikiwemo kukodisha mashamba ya kijiji ,kutoza kodi za vilabu vya pombe ,masoko pamoja na stendi ili kuweza kapata fedha  kwa ajili ya utekelezaji wa shughuli  mbalimbali za maendeleo .

Kwa upande wake Kamishna wa Ardhi Msaidizi Mkoa wa Morogoro Ndg.  Idrisa Kayera  ameeleza kuwa  changamoto  kubwa  katika  Mkoa mzima wa Morogoro  ikiwemo wilaya ya Kilosa  ni pamoja na uvamizi ardhi ambao unasabibishwa na baadhi ya viongozi wa umma kuwaruhuhu wafugaji kuingia katika vijijini bila kufuata utaratibu hivyo ni uwajibu wao kuhakikisha wanapuguza migogoro hiyo katika maeneo yao.

Katika kikao hicho waliwapongeza baadhi ya watendaji wa kata waliofanya vizuri katika  ukusanyaji wa mapato ikiwemo Kata ya Magomeni, Kimamba A, Kitete na Mabwerere ikiwa tayari wamevuka lengo katika ukusanyaji mapato.