MBUNGE WA KILOSA AKABIDHI GARI LA WAGONJWA KATIKA KITUO CHA AFYA MAGUBIKE

Posted on: February 24th, 2024

Mbunge wa Jimbo la Kilosa Mhe.Paramagamba Kabudi amekabidhi gari ya kubebea Wagonjwa (ambulance) pamoja na vifaa tiba ikiwemo mashine ya usingizi, katika kituo cha Afya Magubike.

Akizungumza wakati wa kukabidhi gari hilo la wagonjwa Februari 24, 2024 Mhe. Kabudi amesema kuwa gari hiyo itatumika kuhudumia kata za Mamboya, Mtumbatu, Berega, Mabula, Maguha, Dumila, na Magubike.

Amesema kuwa dhamira yake ya kuishauri Serikali kuwa na gari hiyo ikae katika kituo cha afya Magubike ni kuharikisha huduma kwa kuzingatia jiografia ya Kata hizo na ajari zinazotokea mara kwa mara katika Barabara ya Dodoma - Morogoro na kwamba ni Imani yake Gari hiyo itasaidia kutoa huduma kwa haraka na kuokoa Maisha ya Watu.

Wakizungumza kwa niaba ya wananchi wa Kata hizo waheshimiwa Madiwani wamemshukuru Mbunge huyo na Rais wa Tanzania Mhe. Dokta Samia Suluhu Hassan kwa kuleta gari hiyo ya wagonjwa na vifaa tiba katika kituo hicho cha afya na kusema kuwa uamuzi huo ni mzuri na wenye tija kwa Wananchi wa Jimbo la Kilosa.