MVUA ZILIZOAMBATANA NA UPEPO MKALI ZIMEJERUHI NA KUEZUA NYUMBA KIVUNGU

Posted on: October 27th, 2023

Watu 9 wamejeruhiwa huku Nyumba  50 zikiezuliwa paa kutokana na mvua iliyoambatana na upepo mkali kunyesha katika kijiji cha Kivungu Kata ya Kilangali Wilayani Kilosa 24 oktoba 2023.

Akizungumza  25 Oktoba, 2023 baada ya kutembelelea kijiji hicho Mkuu wa Wilaya ya Kilosa Mhe Shaka Hamdu Shaka amewapa pole wahanga wa tukio hilo na kusema serikali ipo pamoja nao katika kipindi hiki kigumu na kwamba itafanya Tathmini kwa haraka ili kuona namna ya kuwasaidia Wahanga hao.

Kwa upande wake Mwakilishi wa Mkurugenzi Costantine John Nzila amewataka viongozi wa ngazi za mbalimbali kutoa taarifa kwa wakati pindi maafa yanapotokea ili kuona namna gani wanaweza kusaidia wahanga kwa haraka iwezekanavyo.

Kwa upande wake Afisa Mazingira Wilaya Anthony. H.Mbise amewataka viongozi wa vijiji kuunda kamati za maafa ili ziweze kutoa msaada kwa haraka pindi tatizo linapotokea huku akiwasisitiza wananchi kuchuku tahadhari za mapema ili kuzuia madhara makubwa yasiweze kutokea.