TIMU YA MENEJIMENTI KILOSA YAFANYA ZIARA YA KUTEMBELEA NA KUKAGUA MIRADI YA MAENDELEO

Posted on: June 12th, 2025

Timu ya Menejimenti ya Halmashauri ya Wilaya ya Kilosa (CMT) ikiongozwa na Mkurugenzi Mtendaji Bi. Beatrice C. Mwinuka ilifanya ziara ya kutembelea na kukagua utekelezaji wa miradi mbalimbali ya maendeleo iliyolenga kuhakikisha miradi inatekelezwa kwa wakati na kwa ubora unaotakiwa. 

Katika ziara hiyo iliyofanyika Juni 12, 2025 walitembelea miradi ikiwemo Stendi ya Mabasi  Dumila  ambapo Bi. Beatrice ameeleza kuwa  kupitia mapato ya ndani kiasi cha shilingi Milioni 376.1 kimetegwa kwa ajili ya stendi hiyo.

“ Mradi huo ukikamilika utarahisisha shughuli za usafiri, usafirishaji na  ukusanyaji wa mapato lakini pia kutoa huduma bora kwa wananchi”. Alisema Bi. Beatrice

Pia Mkurugenzi huyo amewata waatalamu kushirikiana na wakandarasi  kwa kila hatua ya ujenzi ili kurekebisha mapungufu yanayojitokeza ikiwa lengo ni kukamilisha miradi kwa wakati na kwa viwango vyenye ubora unaohitajika kwa kufuata Misingi, kanuni na miongozo iliyopo.

“Turekebishe mapungufu yanayojitokeza na tukatekeleze yale yote tuliyokubaliana ili miradi iweze kukamilika kwa wakati na ubora  unaotakiwa.” Alisisitiza 

Aidha Wajumbe wa CMT waliwasisitiza wasimamizi wa miradi hiyo  umuhimu wa utunzaji wa nyaraka za miradi kuanzia hatua ya mwanzo hadi hatua ya mwisho ya ujenzi. 

Miradi mingine iliyotembelewa ni pamoja na jengo la utawala, Ukumbi wa Halmashauri, Nyumba ya Mkuu wa Idara, Zahanati ya Mfulu, Shule ya Msingi  Matongola na Stendi ya Malori Dumila.