WATUMISHI WA KADA MBALIMBALI ZA HALMASHAURI WAPATIWA MAFUNZO YA MFUMO WA NEST

Posted on: June 9th, 2025

Mkuu wa Wilaya ya Kilosa Mhe. Shaka Hamdu Shaka amefungua rasmi mafunzo ya mfumo wa manunuzi yaani (NEST), kwa watendaji wa Kata na Vijiji, Walimu, pamoja na Waganga wafawidhi wa vituo vya afya vilivyopo katika Halmashauri ya Wilaya ya Kilosa na kuwataka watumishi  hao kuutumia mfumo huo ipasavyo kwani Serikali ya awamu ya sita chini ya Rais Dkt. Samia Suluhu Hassan ina dhamira kubwa ya kuendeleza miradi iliyopo katika Halmashauri kwa kutangaza tenda kupitia mfumo huo wa Manunuzi.

Shaka ameyasema hayo  June 09, 2025 katika Ukumbi wa Chuo cha Maendeleo ya Wananchi  (FDC-ILONGA) alipokuwa akitoa hotuba yake iliyojikita katika kutoa pongezi kwa Mamlaka ya udhibiti wa manunuzi ya umma (PPRA) Kwa kutengeneza mfumo wa manunuzi kwa njia ya kielekroniki unaojulikana kama NEST na kuusimamia vyema kwa ajili ya kuleta tija na ufanisi katika kurahisisha kuweka uwazi, uwajibikaji na kupunguza mianya ya rushwa katika ununuzi unaofanywa na taasisi za umma.

Naye Bwana Emmanuel Telya ni Afisa mwandamizi kutoka Mamlaka ya udhibiti wa manunuzi ya umma (PPRA) amesema kuwa lengo mahususi ya kufanya mafunzo hayo ni kuwajengea uwezo  watumishi wa Halmashauri pamoja na watumishi kutoka katika vituo vya kutolea huduma ngazi za Shule za msingi pamoja na Shule za sekondari, vituo vya afya pamoja na Watendaji wa Kata na Vijiji,ili kuwaongezea ufanisi  na weredi katika matumizi ya Mfumo huo wa Manunuzi  kwa njia ya kielekroniki yaani NEST.

Grace Nyabange ni msimamizi wa Kitengo cha Ununuzi na Ugavi katika Halmashauri ya Wilaya ya Kilosa nae ameweza kuzungumza machache juu ya mafunzo yaliyotolewa na PPRA kwa watumishi wa umma,ambapo amesema kuwa mafunzo hayo wameanza kwa Watumishi wa ngazi za chini yaani Low level ikiwahusisha Wakuu wa Shule za msingi na Sekondari  na wasaidizi wao, Waganga wafawidhi wa vituo vya afya na Zahanati na wasaidizi wao pamoja na Watendaji wa Kata na Vijiji katika Halmashauri ya Wilaya ya Kilosa.

Bwana Godwik Edward ni Afisa Mtendaji wa Kijiji cha Mvumi Kata ya Mvumi akiwa mmoja wapo wa watumishi waliopata mafunzo hayo nae amesema kuwa amefurahishwa sana na mafunzo hayo ya mfumo wa manunuzi kwa njia ya Kielekroniki kwani yamempa uwezo wa kuweza kufanya manunuzi kupitia mfumo huo wa wazi kwani kipindi kilichopita walikuwa wanapata shida hasa katika mfumo huo  ulipokuwa bado haujaanza.

Naye Mwl. Hidath kutoka Shule ya Sekondari Gongo yeye ni Mwalimu wa Manunuzi katika Shule hiyo yeye amesema kuwa mafunzo hayo yanawasaidia kwa namna nyingi tofauti na zamani walipokuwa wanatumia mfumo wa kawaida. Mfumo wa NEST umekuja kurahisisha manunuzi kwa sababu ni mfumo ambao haupati shida ya kuzunguka kutangaza tenda ili umpate mzabuni wa kuchagua.

Mamlaka ya udhibiti wa Manunuzi ya Umma PPRA imerahisisha manunuzi ya umma kwa kuleta mfumo huo kwa njia ya Kielekroniki yaani NEST kwa Halmashauri zote nchini kwa lengo la kuweka wazi na uwajibikaji pamoja na kubaini vitendo vya rushwa vinavyofanyika katika vitengo vya Manunuzi