WATUMISHI WAASWA KUWA WAADILIFU

Posted on: January 5th, 2018

Januari 05, 2017 Mkurugenzi wa Halmashauri ya Wilaya ya Kilosa Kessy J. Mkambala ametoa wito kwa watumishi wa Halmashauri ya Wilaya ya Kilosa kuwa wazalendo na kuwa waadilifu, kuheshimiana na kuwa waaminifu huku wakizingatia Sheria, taratibu name kanuni za kazi.

"Kilosa mpya inawezekana endapo kila mmoja atawajibika eneo lake la kikazi kwa kuwahudumia wananchi na kutatua kero zao jambo ambalo litaleta mafanikio na kuibadilisha Kilosa" Ameongeza Mkambala.

Aidha amewaagiza wakuu wa idara na vitengo kuhakikisha wanafanya vikao na watumishi walioko katika idara zao kila wiki ili kujadili na kupata suluhu ya changamoto zinazowakabili pamoja na kujadili masuala mbalimbali ya kuboresha utendaji kazi.