WAUGUZI WATAKIWA KUWA WAADILIFU MAHALI PA KAZI

Posted on: May 30th, 2025

Katibu wa Chama cha Wauguzi Mkoa wa Morogoro Ndg.  Awadhi Juma amewataka wauguzi wote wa Mkoa wa Morogoro kufanya kazi kwa wito na kuacha kuweka mbele maslahi yao binafsi kwani kufanya hivyo ni kukiuka maadili ya kazi lakini pia kutofanya  upendeleo  kwani wagonjwa wote wanastahili huduma sawa. 

Awadhi amezungumza hayo katika hafla ya kuadhimisha siku ya wauguzi duniani iliyofanyika  Mei 30, 2025 katika Hospitali ya Wilaya ya Kilosa ambapo wauguzi wa hospitali hiyo wameadhimisha siku hiyo kwa kufanya maandamano katika eneo la hospitali huku wakitembelea wagonjwa na  kuwapitia zawadi  katika wodi zote.

Katibu huyo amesema kuwa kila muuguzi awajibike kwa nafasi yake na kwa atakayekiuka na  kwenda kinyume na maadili ya kazi hatua kali za kinidhamu zitachukuliwa dhidi yake.

Katika Hafla hiyo Wauguzi hao  wamesema kuwa kufanya  sherehe hizo ni sehemu moja wapo ya kumbukumbu ya kuyaenzi mema ya  muanzilishi na  muasisi wa huduma  ya wauguzi wataaluma ya ukunga  duniani  ndugu frolensi Naitingali ambapo alikuwa akitoa huduma ya wito nakujali majeruhi nchini ufaransa mwaka 1800 bila malipo yoyote na alifanya kazi kwa weredi wa hali ya juu. 

Hafla hiyo ilienda sambamba na uapisho ambapo wauguzi hao waliweza kula kiapo cha utii  mahali pa kazi.

  Sherehe hizo ufanyika kila mwaka ifikapo tarehe 12 mwezi Mei huku  Kitaifa yakiadhimishwa Mkoani Iringa.