BONANZA LA MICHEZO FDC ILONGA LAFANA KATIKA MAADHIMISHO YA SIKU YA FAMILIA DUNIANI

Posted on: May 15th, 2024

Halmashauri ya Wilaya ya Kilosa kupitia Idara ya Maendeleo ya Jamii kwa kushirikiana na Chuo cha Maendeleo ya Wananchi (FDC) imeadhimisha Siku ya Familia Duniani kwa kufanya Bonanza la Michezo mbalimbali.

Bonanza hilo limefanyika leo, katika chuo cha Mendeleo ya Wananchi FDC Ilonga ambapo wanafunzi wa chuo hicho walipata fursa ya kushiriki michezo mbalimbali kama vile mchezo wa kuvuta kamba, kukuna nazi, kukimbia ukiwa umevaa kiroba, kukimbia ukiwa umefunika macho,kutembea na kijiko mdomoni pamoja na   mashindano ya kunywa soda ambapo washindi walitangazwa na kupatiwa zawadi.

Akizungumza katika Bonanza hilo  Kaimu Mkuu wa Chuo cha Maendeleo ya Wananchi (FDC) Bw. Edwin Butaga amesema anaishukuru Halmashauri ya Wilaya ya Kilosa kwa kuwafanya  wawe sehemu ya ushiriki katika kuhitimisha maadhimisho hayo kwa kuwaletea bonanza la michezo  chuoni hapo ambapo ni sehemu ya kuchangamsha mwili kiafya na kuwaunganisha pamoja. Pia  wamejifunza mambo mbalimbali kupitia kongamano la vijana ambao walipatiwa elimu juu ya ustawi wa jamii katika kuboresha na  kuimarisha wa familia bora.

Siku ya Familia Duniani Uazimishwa kila Mwaka 15, Mei ambapo kauli mbiu ya Mwaka huu inasema “Tukubali Tofauti Zetu kwenye Familia Kuimarisha Malezi ya Watoto.”