CMT YAFANYA ZIARA YA KUTEMBELEA NA KUKAGUA UTEKELEZAJI WA MIRADI YA MAENDELEO

Posted on: February 21st, 2025

Timu ya Menejimenti ya Halmashauri ya Wilaya ya Kilosa (CMT) ikiongozwa na mwenyekiti wake Daud Mchilu imefanya ziara ya kutembelea na kukagua utekelezaji wa miradi mbalimbali ya maendeleo.

Akizungumza wakati wa ziara hiyo iliyofanyika 20 Februari, 2025 Mchilu amewataka viongozi wa shule zinazosimamia miradi  kwa kushirikiana na viongozi wa vijiji kuchukua hatua na kutatua changamoto zinazojitokeza katika eneo la mradi lakini pia kutoa taarifa kwa changamoto zilizokosa utatuzi  kwa idara husika ambapo  zitatatuliwa kwa haraka ili miradi hiyo iweze kukamilika kwa wakati uliokusudiwa.

Sambamba na hayo Wajumbe hao wa CMT wametoa ushauri kwa wasimamizi wa miradi kuzingatia na kutunza nyaraka za miradi kuanzia hatua ya mwanzo hadi hatua ya mwisho ya ujenzi.

Miradi iliyotembelewa na timu hiyo ni pamoja na ujenzi wa shule ya sekondari Chanzuru, Madoto, Ujenzi wa shule mpya ya msingi Matongolo,ujenzi wa shule mpya ya sekondari Amali,  Mwandi na nyumba za walimu ambapo miradi hiyo itasaidia kupunguza msongamano wa wanafunzi katika shule mama, kuondoa adha ya wanafunzi kutembea umbali mrefu, utoro shuleni lakini pia kutoa elimu bora.