WANANCHI WA KIJIJI CHA MAGUHA KUNUFAIKA NA MASHINE YA KUCHUJA ASALI

Posted on: September 21st, 2025

Hii ni mara baada ya kukamilika kwa Kiwanda cha kuchakata asali na kufanyiwa majaribio.

Hayo yamesemwa na Afisa Ufugaji Nyuki Bi. Diana Mahimbahi wakati wa  zoezi la majaribio ya mitambo ya  Kiwanda hicho Septemba 20, 2025.

 "Kiwanda hiki  kina uwezo wa kuchakata  zaidi ya lita 3000 za asali za nyuki kwa siku " alisema Diana.

Pia ameongezea kuwa Kiwanda hicho kitatoa fursa kwa wanakijiji wa Maguha na vijini jirani kujipatia kipato kwa kuuza asali yao na kuwainua kiuchumi.

Akizungumza mara baada ya zoezi hilo , Bw.  Jackson Martini (Mfugaji Nyuki) amesema  kuwa walikuwa wanapata changamoto ya uchujaji wa asali lakini kwa sasa wanashukuru kwa kupata mashine hiyo  ambayo inatumia muda mfupi kuchuja asali.

Naye  Bi. Ludia Aron Mfugaji Nyuki amesema kuwa yeye pamoja na wafugaji wengine watanufaika na mradi huo kwa kuongeza kipato na biashara zao zitaimarika  hivyo wamewashukuru MJUMITA kwa kuwapatia ofisi na mashine ya kuchuja asali.

Mradi huo wa uchakataji wa mazao ya Nyuki  unatekelezwa na Mtandao wa Jamii wa Usimamizi wa Misitu Tanzania ( MJUMITA ) na kufadhiliwa na Shirika la Chakula Duniani (FAO) kupitia mradi wa Forest and Farm Facility (FFF).