KAMATI YA FEDHA, UONGOZI NA MIPANGO YAFANYA ZIARA YA KUTEMBELEA MIRADI YA MAENDELEO KWA KIPINDI CHA ROBO YA PILI KWA MWAKA WA FEDHA 2024/2025

Posted on: February 4th, 2025

Kamati ya fedha, Uongozi na Mipango ikiongozwa na Mwenyekiti wa Halmashauri ya Wilaya ya Kilosa Mhe. Wilfred Sumari imetembelea na kukagua miradi mbalimbali ya maendeleo kwa kipindi cha robo ya pili kwa mwaka wa fedha 2024/2025.

Kamati imetembelea miradi hiyo 03 Februari, 2025, ambapo Wahe. Madiwani wameupongeza mradi wa ukarabarati hospitali ya Wilaya ya Kilosa hususani jengo la maabara ambalo lipo hatua ya umaliziaji na litagharimu kiasi cha shilingi milioni 368 ujenzi huo kukamilika.

Akizungumza wakati wa ziara hiyo Mhe. Sumari amesema ameridhishwa na utekelezaji wa mradi huo amao unatekelzwa chini ya mkandarasi AMAL BUILDERS LIMITED na kushauri timu ya wataalamu kwa kushirikiana na wasimamizi wa miradi kutatua changamoto  na kufanya marekebisho yanazojitokeza wakati wa  utekelezaji wa miradi ili iweze kukamilika kwa wakati na kutoa huduma bora kwa wananchi.

Aidha kamati hiyo ilitembelea na kukagua ujenzi wa nyumba ya Mkurugenzi uliogharimu kiasi cha shilingi milioni150,000,000  ambapo jengo hilo limekamilika kwa asilimia 98 kwa hatua ya umaliziaji.

Miradi mingine iliyotembelewa na kamati hiyo ni pamoja na ujenzi wa ukumbi wa halmashauri, shule ya sekondari kondoa na  jengo la madaktari bigwa.