RAIS SAMIA AWATAKA WANANCHI KUTUNZA MIUNDOMBINU

Posted on: August 2nd, 2024

Rais wa Jamhuri ya Muungano wa Tanzania  Mhe. Dkt. Samia Suluhu Hassan amewataka wananchi  kutunza mazingira na miundombinu ya daraja  la  Berega  ili  litumike   kwa muda mrefu.

Rai hiyo ameitoa 2 Agosti, 2024 katika kata ya Berega wakati akizungumza na wananchi  baada ya kuzindua  Daraja hilo lililogharimu kiasi cha shilingi Bilioni 7.9 fedha kutoka serikali kuu.

 Aidha  Rais Samia amewasisitiza  wananchi  kuacha uchimbaji wa mchanga pamoja na matumizi mabaya ya Mto wa Berega ili kutunza kingo za Mto huo.

Mhe. Rais akizungumzia  manufaa ya Daraja  hilo ambalo  limeweza kusaidia kuwaunganisha wananchi na kurahisisha upatikanaji wa huduma za jamii ikiwemo usafirishaji wa mazao kwani magari sasa yatapita kwa urahisi.

Pia  Mhe. Rais ameipongeza Wizara ya Tamisemi kwa kazi kubwa ya uendelezaji wa miundombinu kupitia Wakala wa Barabara za Vijijini na Mijini (TARURA),  wataalamu na wakandarasi waliohakikisha mradi unakamilika.