SEKRETARIETI YA MAADILI YA VIONGOZI WA UMMA KANDA YA MASHARIKI YATOA ELIMU KWA WATUMISHI

Posted on: May 9th, 2024

Sekretarieti ya Maadili ya Viongozi wa Umma Kanda ya Mashariki Morogoro imetembelea na kufanya kikao na watumishi wa Makao Makuu Halmshauri ya Kilosa kwa  lengo la  kuwakumbusha na kuwaelimisha watumishi  kuenenda na kanuni mbalimbali za kiutumishi ili ziwasaidie katika utendaji kazi.

Wakati wa kikao hicho kilichofanyika kwenye ukumbi wa Mikutano Wilayani hapo  Mei 9, 2024 Afisa Maadili Bw. Yahya Tumba kutoka Sekretarieti ya Maadili ya Viongozi wa Umma Kanda ya Mashariki Morogoro ameeleza na kufafanua kanuni na maadili za utendaji kazi.

Kanuni hizo ni pamoja na; Kuheshimu haki za binadamu/ mtumishi wa umma, Nidhamu, juhudi na bidii katika utekelezaji wa majukumu, Kufanya kazi kwa ushirikiano, Kutoa huduma bora, Kufanya kazi kwa kuambatana na Tabia njema/nzuri, Uwazi na uwajibikaji, Kufanya kazi kwa uadilifu pamoja na Kutojihusisha na masuala ya kisiasa kwenye maeneo ya kazi.