tUMIENI MAFUNZO YA JESHI LA AKIBA KUKUZA ULINZI NA USALAMA - DC KILOSA

Posted on: November 8th, 2018

Wito umetolewa kwa wahitimu wa mafunzo ya Jeshi la Akiba kutumia vema mafunzo waliyojifunza ili kukuza ulinzi na usalama kwa kutetea na kulinda rasilimali za taifa hasa katika kukemea utoaji na upokeaji rushwa sambamba na uingizwaji wa mifugo kiholela jambo ambalo limekuwa likisababisha migogoro wilayani Kilosa.

Wito huo umetolewa katika kata ya Ulaya na Mkuu wa Wilaya ya Kilosa Adam Mgoyi wakati wa kuhitimisha mafunzo ya Jeshi la Akiba kwa wahitimu 48  wakiwemo wanawake 7 na wanaume 41 ambapo amesema kuwa mafunzo hayo yanawasaidia vijana kwenye suala zima la ajira na kupewa kipaumbele wakati wa kujiunga na Jeshi la Ulinzi Tanzania.

Naye Mshauri wa Jeshi Luteni Kanali  Makyao amewataka wanaohusika na usaili wa mafunzo  ya Jeshi la Akiba kufanya sensa ili kujua wahitimu wote na kuwapatia vitambulisho au vithibitisho ili kuzuia uhalifu unaotokana na kughushi nyaraka hizo na kuharibu uhalisia wa jeshi hilo