VIONGOZI WA MABARAZA YA ARDHI WAASWA KUZINGATIA MAFUNZO - DC

Posted on: November 11th, 2019

Novemba 11 mwaka huu imeelezwa kuwa kwa muda mrefu Wilaya ya Kilosa imekuwa ikikumbwa na migogoro ya ardhi baina ya mipaka kijiji na kijiji, wakulima na wafugaji  na migogoro ya mtu na mtu ambayo imekuwa ikirudisha nyuma maendeleo kutokana na muda mwingi kuchukuliwa na utatuzi wa migogoro badala ya kufanya shughuli za maendeleo, hivyo amewataka washiriki  wa mafunzo ya matumizi ya njia mbadala  za utatuzi wa migogoro kuyafanyia kazi yale watakayojifunza katika mafunzo hayo  jambo litakalosaidia kwa kiasi kikubwa kuondoa migogoro ama kupunguza migogoro.

Hayo yameelezwa na Mkuu wa Wilaya ya Kilosa Adam Mgoyi katika ufunguzi wa mafunzo ya siku tano kuhusu matumizi ya njia mbadala za utatuzi wa migogoro katika kutatua migogoro ya ardhi ambapo amesema kuwa nyakati nyingine migogoro hiyo imekuwa ikishindwa kutatuliwa kutokana na upendeleo ambao umekuwa ukifanyika kutokana na kukosa uadilifu ikihusisha masuala ya rushwa  au kutokujua njia sahihi za utatuzi wa migogoro hiyo.

Mgoyi amesema kuwa  miongoni mwa sababu zinazopelekea kushindwa kutatuliwa kwa migogoro hiyo ni ushiriki hafifu wa viongozi wa halmashauri kwa kuwaachia serikali za vijiji na watendaji wa kata kushughulikia migogoro, hivyo ametoa rai kwa washiriki hao kuyafanyia  kazi yale watakayojifunza kwa kuhakikisha wanaanza na kutafuta suluhu na