WANANCHI WATAKIWA KUONDOA DHANA POTOFU KUHUSU ULAJI

Posted on: October 30th, 2024

Wito umetolewa kwa Wananchi kuondoa  dhana potofu na mitazamo hasi iliyopo kuhusu ulaji na ulishaji watoto katika jamii na badala yake amewataka kuzingatia ulishaji bora kwa kufuata kanuni za Lishe.

Hayo yameelezwa  Oktoba 30, 2024 na Bi Perpetua Eliya mwakilishi wa  Mgeni rasmi Kaimu Mganga Mkuu Wilaya ya Kilosa Dokta Selemani Kasugulu Wakati wa maadhimisho ya Siku ya Lishe Kitaifa yaliyofanyika katika Kata ya Msowero.

Bi Perpetua amesema kuwa  lengo kuu la Maadhimisho hayo ni  kutoa Elimu ya Lishe kwa jamii huku malengo Mahsusi yakiwa ni kuelimisha  jamii kufuata mapendekezo ya mwongozo wa Kitaifa wa  Chakula na ulaji ili kuboresha Afya zao,Kuhamasisha Jamii kuhusu matumizi ya vyakula vilivyoongezewa virutubishi ili kukidhi mahitaji ya mwili kilishe.

Aidha kuelimisha na kuhamasisha jamii kuhusu umuhimu wa kuzingatia kanuni za ulaji unaofaa yaani kula Mlo kamili ili kukidhi mahitaji yote ya kilishe ili kuwa na Afya bora ,kupambana dhidi ya uelewa Duni,dhana potofu na mitazamo hasi iliyopo katika Jamii kuhusu masuala ya Lishe kwa kutoa taarifa  sahihi na za kitaalamu.

 Pia Kuelimisha na kuhamasisha  kuhusu umuhimu wa  kufanya mazoezi na kushughulisha mwili ili kupambana dhidi ya Utapiamlo wa Lishe ya kuzidi, hivyo kuepuka  magonjwa yasiyoambukiza yenye uhusiano na lishe kama vile Kisukari,Magonjwa ya Moyo,Shinikizo la juu la damu, Saratani na Magonjwa ya Figo.

Maadhimisho hayo yameambatana na Kauli mbiu maalumu  isemayo ”Mchongo ni Afya zingatia unachokula”