WASIMAMIZI WA MIKOPO YA VIKUNDI VYA VIJANA, WANAWAKE NA WATU WENYE ULEMAVU NGAZI YA WILAYA WAPATIWA MAFUNZO YA USIMAMIZI WA MIKOPO

Posted on: October 8th, 2024

Wasimamizi wa Mikopo ya Vikundi vya Wanawake, Vijana na Watu wenye Ulemavu  ngazi ya Halmashauri wamepatiwa mafunzo kwa lengo la kuwawezesha wasimamizi hao kupata ujuzi, kuboresha utendaji kazi, kuongeza tija, ufanisi na kuimarisha usimamizi wa mikopo.

Mafunzo hayo yametolewa 8 Oktoba, 2024 katika ukumbi wa Halmashauri ambapo muwezeshaji wa Mafunzo hayo Bi. Neema Solomon amesema mafunzo hayo yatasaidia  kuwajengea uwezo wasimamizi hao na kupata uelewa juu ya usimamizi wa mikopo kwa vikundi hivyo.

Naye Mkuu wa Divisheni ya Maendeleo ya Jamii Alto Mbikiye amesema Katika kuleta ufanisi katika uratibu na usimamizi wa mikopo ya vikundi vya wanawake, vijana na watu wenye ulemavu, kutakuwa na kamati ya uratibu wa mikopo ngazi ya mkoa, kamati  za huduma za mikopo ya halmashauri na kata, pia kutakuwa na kamati ya wilaya ya uhakiki wa mikopo hiyo.