WATAALAM WA KILIMO NGAZI YA KATA WAPATIWA MAFUNZO YA KUKUSANYA DATA KWA KUTUMIA MFUMO WA KOBO

Posted on: November 21st, 2024

Wataalamu wa Kilimo ngazi ya kata Wilayani Kilosa Mkoani Morogoro wamepatiwa mafunzo ya kukusanya taarifa za vijana wanaojishughulisha na kilimo mifugo na uvivi kwa kutumia mfumo unaoitwa KOBO.

 Mafunzo hayo yametolewa  20 Novemba 2024 katika Ukumbi wa Halmashauri ya Wilaya ya Kilosa na Taasisi ya SUGECO Kupitia Mradi wa YEFFA ambapo lengo likiwa ni kuimarisha ushirikishwaji na uwezeshwaji wa Vijana katika kuzalisha ajira kwenye Sekta ya Kilimo.

Akizungumza juu ya Mradi huo Afisa Kilimo kutoka SUGECO Bi Jackline Jonathan amesema kuwa kuna Washirika mbalimbali ambao watashiriki kwenye utekelezaji hivyo amewataka Wataalamu hao kuwa makini na

kuchukua taarifa sahihi kwa vijana na kuepuka kufanya udanganyifu kwani kwa kufanya hivyo hawataweza kufikia malengo ya Mradi huo.

Naye Mkuu wa Seksheni ya kilimo Wilaya ya Kilosa Bi. Elina Danstan amesema kuwa  Mafunzo hayo yatasaidia kupata kanzi data ya vijana itakayowasaidia wadau kuwafikia kwa urahisi Vijana hususan wanaofanya Kilimo wanaojishughulisha na Kilimo.

 Amewataka vijana watakapofikiwa wasisite kutoa taarifa zao ili waweze kupata fursa mbalimbali zitakazojitokeza kwani Wilaya ya Kilosa imebahatika kupata wadau mbalimbali wa kilimo na biashara zinazohusiana na Kilimo.

Kwa upande wake Afisa Kilimo Kata ya Kisanga Bwana Efraimu Tulimbange Chisunga amesema kuwa kupitia mafunzo waliyoyapata watakuwa na uwezo kuwatambua vijana wanaojishughulisha na shughuli za kilimo wanazofanya