ZIARA YA KAMATI YA SIASA KUTEMBELEA MIRADI YA MAENDELEO

Posted on: August 25th, 2023

Kamati ya Siasa ya Chama Cha Mapinduzi (CCM) Wilayani Kilosa ikiongozwa na Mwenyekiti wake Amer Mbaraka , imefanya ziara ya kutembelea miradi ya maendeleo ya Halmashauri ya Wilaya ya Kilosa pamoja na Taasisi zilizopo ndani ya Wilaya kwa lengo la kuona utekelezaji wa Ilani ya uchaguzi kwa kipindi cha miezi sita, Januari –Juni 2023.

Miradi  iliyotembelewa ni Pamoja na  ujenzi wa barabara  ya kilometa 16  kutoka Mvumi mpaka Makwambe,Ujenzi wa vyumba 6 vya madarasa katika shule ya Sekondari Mkundi iliyopo kata ya Dumila,Mradi wa jengo pacha la Mama na Mtoto na Maabara  katika kituo cha Afya Magubike.

Sambamba na hayo Kamati hiyo ya Siasa imetembelea Mradi wa REA kata ya Mabula, Mradi wa REA kata ya Tindiga ,Ujenzi wa vyumba 8 vya Madarasa Shule ya Sekondari  Kitange II kata ya Mtumbatu,Mradi wa maji kata ya Kidodi, Mradi wa maji pamoja  na Soko lililoungua kata ya Ruaha,Mradi wa Daraja kata ya Ruhembe,na Mradi wa Maji kata ya Malolo

Akihitimisha Ziara hiyo  Mwenyekiti huyo wa CCM Wilaya amesema kuwa Miradi yenye changamoto ifanyiwe kazi ili ikamilike kwa wakati na kwa ubora unaotakiwa ili Wananchi wapate huduma stahiki.

Aidha Kamati imeipongeza Serikali chini ya Rais Dokta Samia Suluhu Hassan kwa kuleta miradi mingi ya maendeleo katika Halmashauri ya Wilaya ya Kilosa ili kuboresha utoaji  huduma kwa Wananchi.